你的購物車是空的
{{ (item.variation.media ? item.variation.media.alt_translations : item.product.cover_media.alt_translations) | translateModel }} {{ (item.variation.media
                    ? item.variation.media.alt_translations
                    : item.product.cover_media.alt_translations) | translateModel
                }}
{{ 'product.bundled_products.label' | translate }}
{{ 'product.bundle_group_products.label' | translate }}
{{ 'product.gift.label' | translate }}
{{ 'product.addon_products.label' | translate }}
{{item.product.title_translations|translateModel}}
{{ field.name_translations | translateModel }}
{{item.variation.name}}
{{item.quantity}}x {{ item.unit_point }} 點
{{addonItem.product.cover_media.alt_translations | translateModel}}
{{ 'product.addon_products.label' | translate }}
{{addonItem.product.title_translations|translateModel}}
{{addonItem.quantity}}x {{ mainConfig.merchantData.base_currency.alternate_symbol + "0" }}

【美容初哥血淚隨筆(三)– 9/12/2019 】:第一個 Hero Product

2019-12-11
FLUZBEAUTY 正式營運一個幾月,會員已超過400人,交易量和交易額亦都超乎預期,所有產品都達到一定銷量,好多謝大家支持。 下一步要做啲乜?正常嚟講,就係繼續傾多啲產品返嚟賣啦係咪?市面其實好多選擇,但係人賣我又賣,似乎唔係太合乎網站性格,所以選擇仍然唔多,希望大家體諒。當然,最好係可以搵到一件超強嘅產品,既能夠代表呢個網站,又係獨家嘅 Hero Product 返嚟。之不過,諗下都知,香港咁大競爭,我地又咁新,邊有咁易呢?又不過,世事無絕對,你真心做事,人地係會睇到。話咁快,就有人聯絡我地,仲要係一個非常高質素嘅意大利醫學美容品牌,經過幾輪討論同試用,我地終於落實合作。 隆重宣布,我地 FLUZBEAUTY 嘅第一款獨家 Hero Product :「最高純度透明質酸原液」 SurgicTouch® Pure Jal﹗https://bit.ly/2rzd0ED 貫徹我地原則,目前只做歐美生產的醫學美容產品,而呢支精華液,裡面只得三種成分:水、透明質酸、植物提取肉毒桿菌。沒有任何防腐成分,但可以貯放長時間,係因為透明質酸濃縮到一個細菌不能滋生的濃度。因為濃度極高,唧出嚟呈凝膠狀態,輕輕一推就能瞬速吸收。而加入適量植物提取肉毒桿菌,在短時間內可以立即減淡細紋。 我同同事們試用後,一致認為呢支新產品係「無.得.輸」﹗我地亦決定同代理商喺十二月中向意大利取得第一批 Pure Jal ,定價將會是 $1,499 (比歐洲定價更低)。現在開始,我們會做為期一星期嘅預售,預售價 $999,之後就應該不會再有折扣喇。 Pure Jal 以外,仲會有 Total remover 套裝,亦係呢個意大利醫學美容品牌嘅 best seller 之一,之後有關 SurgicTouch® 嘅產品,亦會陸續上架,敬請大家期待~ PS. 提提大家,現凡在 FLUZBEAUTY 購買美容產品滿 $600 ,即可獲贈價值 $1980 嘅Signature HydraFacial Treatment一次,只餘少量名額咋﹗ https://bit.ly/2t6C3PS  

【美容初哥血淚隨筆(二) – 5/12/2019】

2019-12-05
我去咗做 Facial… 冇錯,我真係去咗做 Facial﹗   男人老狗嚟講,做 Facial 並不可恥,但會羞於啟齒。Any肥,因為工作需要,乜都要試下。   入到房,嘩,乜成個維港海景咁誇張,甲過甲級寫字樓,尖沙咀最新嗰幢。護理員姐姐問:「第一次做呀?」我紅都面曬:「係呀…請問痛唔痛㗎?」我唔係怕痛,但係唔知有冇人同我一樣,有嘢整痛塊面就好易打乞嚏,超尷尬。     「唔痛嘅,我地先會用螺璇探頭,深入清潔毛孔,去除老化角質及油脂污垢,再導入保濕精華同控油因子,30分鐘左右就得…」   我一個字都聽唔入…因為真係有啲淆…   好,開始咗一陣,真係唔痛,仲有啲爽。尤其是吸鼻翼嗰陣,隱約 feel 到好多污糟嘢出緊嚟。不知不覺,因為近排唔係好夠瞓,我竟然瞓著咗。   做完,姐姐畀枝水我睇:「你塊面又唔算污糟喎,你睇吓入面?」嘩,你真厚道,入面一粒粒咁,都唔算污糟。不過望住成支本來喺我塊面上面嘅污糟嘢出曬嚟,係有種莫名變態嘅滿足感。然後摸一摸塊面,又真係幾爽幾潤。     介紹返,呢個 treatment 叫 Hydrafacial,上網 search 吓,原來好多人都做過呢個 treatment ,包括柳太,佢話佢好鍾意,不過佢又警告我,美容院會迫你賣package㗎,唔好上當﹗然後我解譯,我去嘅並唔係美容院,而係 Hydrafacial 嘅官方體驗中心,所以唔存在 Package 呢樣嘢。而我想傾個 Deal 返嚟:就係 Fluz Beauty 獨家網上購買 Hydrafacial 服務。   我出馬,當然傾成咗,仲要係滿載而歸嗰隻:Hydrafacial 會提供 50 個免費 treatment 畀 Fluz Beauty 嘅客戶﹗(原價每次$1980)   想知點樣可以得到免費 Hydrafacial ?就要留意 Fluz Beauty 嘅 Instagram (https://www.instagram.com/fluzbeauty/),下星期一嗰度會率先公布﹗   P.S. 琴晚講完 ZO Skin Health ,好多用家留言推薦,我地即刻推出咗冬日限定優惠,有興趣可以去睇下:https://bit.ly/2Pn3SuD

【美容初哥血淚隨筆(一) – 4/12/2019】

2019-12-05
今日到銀行,好靚女嘅銀行小姐問我:「點解無端端開個 @fluzbeauty 做美容網?」 係囉,點解呢? 或者各位都會有啲疑問,咁不如我寫出嚟同大家分享,我又心諗,反正要寫,不如定期寫,將呢個美容老細初哥嘅歷程share出嚟,齊上齊學,可能都會幾有趣。 好喇,講返「點解」。第一大原因,當然係我搵到一啲我相信嘅好產品啦~呢個位我又想 sell 嘢,所以一陣返轉頭先講。但係我係咪真係好鐘意美容?未必係。我係咪專家?我又唔係。咁我憑乜去做美容生意呢? 咁就要講返我同柳太之間嘅對話喇。話說作為一個公眾人物,我周不時都會收到美容產品禮物,另外作為一個廣告人,有時我都會接拍美容產品嘅廣告,日子有功,都對美容產品有基本認識。而柳太好鍾意同我傾女人嘢,邊隻產品好用,邊隻唔好,點解唔好,邊隻新嘢好似幾好,啲廣告寫到幾神奇,佢都鍾意同我傾。我通常的回應係:係咪真㗎?點解先?原理係乜先?會唔會有害? 作為記者底,我鍾意打爛沙盤問到篤,甚至去查背後個理論,而美容護膚產品啲廣告,有時真係吹到好誇張,所以畀我問多兩句,柳太好快會打消購物念頭,十分無癮。咁我咪算係美容票房毒藥?又唔係,經過我仔細審問,又過到關嘅美容產品,效果通常都幾有保證。我開始諗,如果有一個美容網,賣嘅嘢全部過到我嗰關,應該都會幾有信心保證⋯咁倒不如,我自己搞? 然後,就係漫長嘅準備過程。我周圍搵 Product 上架,但係太多人賣嘅我唔賣,唔科學嘅我唔賣,誇大少少我都唔想賣⋯結果,揀剩幾個品牌,仲要主要係醫生品牌,代理商對擺喺網上賣好有保留,咁點搞呢?的而且確,喺 Fluz Beauty 上咗架嘅美容品牌,除咗 RevitaLash 外,Colorescience 同 ZO Skin Health 都喺街好少見,因為品牌定位係主要畀診所同皮膚科醫生售賣,但係我覺得既然係好嘅產品,喺呢個網絡年代,點都應該探討下網售嘅可能,所以我繼續死纏爛打,直到代理終於願意畀我地售賣呢啲品牌嘅「入門產品」。 識貨之人應該睇得出,Colorescience 同 ZO Skin Health 芸芸產品之中,我地上架的只是少部分,尤其是 ZO Skin Health ,因為真係醫學級美容,有一部分產品的確適宜有醫生指導使用,所以我就將自己定位為呢個品牌嘅「入門網站」。一路冇乜推廣過 ZO,但係其實一直 Keep 住多人自己搵上門買,相信都係識貨之人。ZO 係美國醫學權威 Dr. Zein Obagi 旗下產品,強調「鍛練皮膚」,透過深度清潔同刺激,喚醒皮膚天然機能,再針對性作出改善同舒緩,產品性格好強,所以部分產品我地都建議客人向醫生請教。而作為入門,我個人十分推薦大家試下 ZO 個清潔套裝 Getting Skin Ready (https://bit.ly/2rSfTAd) 包括潔面啫喱、磨沙同控油爽膚棉,可以好有效去角質、死皮細胞,疏通毛孔,由基礎改善膚質,洗完真係好乾淨,男女任何皮膚都合適。為咗想鼓勵大家試下,打緊呢篇嘢嘅同時,我 set 咗個 discount ,當係聖誕優惠啦﹗ 如果嗰位靚女銀行小姐睇到呢篇文,又對 ZO 有興趣,不妨聯絡返我,私人畀返個 discount 你,當多謝你畀我理由我開始呢個隨筆專欄。

FLUZBEAUTY 編輯推薦 – 美國大熱礦物粉 一掃即防曬

2019-11-27
明星們的時尚大片想必大家有目共睹,除了面容之外,她對自己的皮膚質感和色調也會特別保養。因為經常穿著泳衣外拍,自然大部分身體會暴露在陽光下,而不同部位的抗曬力需求和臉部是不同的,曬後不像臉部出現塊狀的斑或點,而是整體變黑,也有發紅、脫皮的現象。   Gal Gadot   Kendall Jenner   Scarlett Johansson   或許大家會選擇穿戴一些防曬帽、衣或者選擇遮陽傘,但對於愛美的你們,會選擇接受這些繁瑣又無法令皮膚呼吸的方式嗎? 所以選擇一款高質的防曬產品對於明星以及國際名模來是必不可少的。說到選擇防曬產品,首先需要了解紫外光分成UVA及UVB,UVA可穿透至導致曬黑,而市面上防曬PA +的指數就是針對UVA;另一方面,SPF數值就用於計算阻隔UVB引起的曬傷及皮膚紅、腫、熱及痛等的指標。   市面上的防曬產品大致分為物理防曬和化學防曬,物理防曬(Physical Sunsreen)的原理是透過固體顆粒的成分,將紫外線反射、折射而達到防曬效果;化學防曬(Chemical Sunscreen)則是藉防曬產品中的化學成分,將紫外線的能量吸收,然後轉化為熱量釋放出來,但有機會引致皮膚紅腫;相比下,物理防曬不會被身體吸收,對皮膚影響比較小,適合敏感性肌膚或孩童使用。   皮膚科醫生建議防曬要兩至四小時補這個時候防曬粉就最適合一次;女士們妝後往往需要補防曬,這個時候防曬粉就最適合。   美國皮膚科醫生一致讚好的醫學級礦物彩妝品牌Colorescience就推出了全球唯一獲得美國皮膚癌協會認可的防曬粉,採用全新EnviroScreen抗曬技術,有助減少環境污染傷害,抵禦藍光(HEV)及對抗紅外線(IR-A)氧化。此防曬粉100%物理性防曬(PA++++),不含刺激化學物,染料,滑石粉,酒精,礦物油及香料,有助保護肌膚免受紫外線,締造均匀亮澤膚色,使得產品在美國大賣。   假設清水代表你的肌膚:   左圖為Colorescience高完整性純正礦物粒子,而右圖是市面上買到的碎粉。Colorescience純正礦物微粒經過特別處理,完全防水;因此可以浮於水面之上,有效於皮膚表面形成屏障,預防皮膚水分流失,阻隔有害物質,鎖緊水分,而礦物成分有助保護肌膚免受UVA / UVB紫外線傷害,延緩衰老。   而Colorescience全效保護礦物防曬將碎粉能有效於80分鐘防水防汗,於戶內及戶外活動也適用。另外產品把碎粉+化妝掃二合一設計,更方便女士使用。

藤原浩青睞 — 日本神級品牌 BALMUDA 正式登陸 FLUZBEAUTY

2019-11-26
說到居家必備神器,可能 Dyson 是大家心中的首選,但如果從設計理念和生活品質上考究的話,我們想為大家推薦的一款日本神級家電品牌 BALMUDA ,連潮流教父藤原浩都加以青睞,於 2017 年東京銀座開設的複合式選品概念店〈THE PARK.ING GINZA〉,藤原浩將吐司神奇 BALMUDA 烤麵包機帶入附設的「CAFÉ DE ROPE GINZA」。   “沉澱自己,回歸初心” 在這背後,不得不提到的就是 BALMUDA DESIGN 的創始人—傳奇日本設計大師寺尾玄。2003年,寺尾玄創立 BALMUDA,一開始主要設計 APPLE 電腦周邊產品。由於寺尾玄當時從歌手跨界到產品設計製作範疇,缺乏基礎知識及經驗,使 BALMUDA 一度走在破產的邊緣。然而寺尾玄並未因此而放棄,它在日本民間幾經輾轉,拜訪名師學習技藝,沉澱自己,回歸初心,只為創造出可以讓消費者帶來心動的產品。   ”極簡主義“ 寺尾玄堅持 BALMUDA 走極簡設計主義,同時站在消費者的角度,反思生活中能得到改善的地方,並以其為目標打造提升生活品質的設計和產品,是 BALMUDA 長久以來令用家喜愛的原故。   BALMUDA The Toaster 剛提到藤原浩的「CAFÉ DE ROPE GINZA」出爐的麵包,都出自 BALMUDA The Toaster 之「手」,其獨特之處在於其特殊的蒸汽技術和溫度控制,以及在「吐司」、「芝士吐司」、「法國麵包」、「牛角包」、「經典」五個不同檔位和模式的配合下,把吐司烤得外酥內軟。連在藤原教父策劃的 THE PARK·ING GINZA 裡,都放上了一排BALMUDA The Toaster。   BALMUDA The Pot 喜愛喝咖啡的人一定會選擇製作自家手沖咖啡,同樣為咖啡中人的寺尾玄,收集了多位咖啡師的建議,進行了多次實驗,從而做到易倒水易斷水的設計,最終打造出這款 BALMUDA The Pot 手沖壺,它擁有 600 毫升的容量,能夠沖泡三杯咖啡,適合日常生活使用。水在煮好後,手柄末端的提示燈便會關閉通知用家,絕對貼心的設計。   BALMUDA The Pure BALMUDA 對生活如此敏感,早就觀察到城市空氣質量不斷下降的問題,所以推出了一款名為 BALMUDA The Pure 的空氣清新機。此清新機以飛機的噴氣式發動機作參考,綜合流體力學設計, 將清新空氣強有力地噴射出來。值得留意的是,它的佔地面積僅跟 A4 紙相若的大小,相當適合窩居一族。   BALMUDA Green Fan 寺尾玄觀察到夏季大部分人都會選擇使用空調度過炎夏,灼熱的空氣被不斷的釋放的室外,而室內室外的溫差大,容易引起大家生病,而傳統的電風扇又因為送風過硬,不能長期使用,但這把日本製造的 BALMUDA Green Fan 的賣點著重在於其靜音、省電及雙重扇葉設計,而且一機二用,可作座地扇或枱扇,配合上電池叉座更能無線使用,在家中隨意放置。此外,Green Fan 有 150度 的搖擺角度,更能手動設定風扇的搖擺軌跡,送出大面積的自然涼風且遠達15米距離,要快速地風乾室內衣物不再是難事,面對一年四季都多雨的香港家庭最適合不過。   BALMUDA The Toaster,BALMUDA The Pot,BALMUDA The Pure,BALMUDA Green Fan 現已正式登陸 FLUZBEAUTY。